ଆଲୋକିତ ଓଡ଼ିଶା ବ୍ୟୁରୋ : ଆସନ୍ତା ଦୁଇ ଦିନ ପରେ ଇସ୍ତଫା ଦେବେ ଦିଲ୍ଲୀ ମୁଖ୍ଯମନ୍ତ୍ରୀ ଅରବିନ୍ଦ କେଜରିୱାଲ। ଏନେଇ ସେ କରିଛନ୍ତି ଘୋଷଣା। ଦିଲ୍ଲୀରେ ଆପ୍ କର୍ମୀ ସମ୍ମିଳନୀରେ ସେ କହିଛନ୍ତି- ଯେତେଦିନ ଯାଏ ଜନତା ନିଷ୍ପତ୍ତି ନନେଇଛନ୍ତି ସେତେଦିନ ଯାଏ ସେ ମୁଖ୍ଯମନ୍ତ୍ରୀ ପଦରେ ଆସୀନ ହେବେ ନାହିଁ। ସେ କହିଛନ୍ତି- ବ୍ରିଟିଶ ଶାସନ ତୁଳନାରେ କେନ୍ଦ୍ର ସରକାରଙ୍କ ଏକଛତ୍ରବାଦୀ ନୀତି ଅଧିକ । ଆମ ଆଦମୀ ପାର୍ଟିକୁ ଭାଙ୍ଗିବା ଲାଗି ଚାଲିଛି ଷଡ଼ଯନ୍ତ୍ର। ମିଛ ମାମଲାରେ ମୋତେ ଜେଲରେ ଫସାଇଦିଆଗଲା। ବିଭିନ୍ନ ରାଜ୍ଯରେ ବିଭିନ୍ନ ଦଳକୁ ଭାଙ୍ଗିବା ଲାଗି ଷଡ଼ଯନ୍ତ୍ର କରାଯାଉଛି। ଗଣତାନ୍ତ୍ରିକ ସରକାରଗୁଡିକୁ ଭଙ୍ଗାଯାଉଛି ବୋଲି କହିଛନ୍ତି ଦିଲ୍ଲୀ ମୁଖ୍ଯମନ୍ତ୍ରୀ ଅରବିନ୍ଦ କେଜରିୱାଲ। ଦିଲ୍ଲୀ ମଦନୀତି ମାମଲାରେ ଜେଲରୁ ବାହାରିବା ପରେ ଦଳୀୟ କର୍ମୀଙ୍କୁ ଉଦବୋଧନ ଦେଇ କେଜରିୱାଲ କହିଛନ୍ତି- ସେ ଜେଲରେ ଥିବାବେଳେ ସହିଦ ଭଗତ ସିଂଙ୍କ ଜୀବନୀ ପଢିଥିଲେ। ଦେଶର ରାଜନୀତିକୁ ବଦଳାଇଛି ଆପ୍। ଲୋକତନ୍ତ୍ରକୁ ବଞ୍ଚାଇବା ଲାଗି ସେ ଇସ୍ତଫା ଦେଇ ନଥିଲେ। ଏହ ସହ ମିଛ କେସରେ ଜେଲ ଯାଇଥିବାରୁ ସେ ଇସ୍ତଫା ଦେବାକୁ ଚାହିଁ ନଥିଲେ। ଆପ୍ ଯୋଗୁ ସାରା ଦିଲ୍ଲୀବାସୀ ବିଜୁଳି କ୍ଷେତ୍ରରେ ହୋଇଛନ୍ତି ଉପକୃତ। କେନ୍ଦ୍ରର ଏକଛତ୍ରବାଦୀ ନୀତି ବିରୋଧରେ ଏକାଠି ହେବା ଲାଗି ସେ ବିରୋଧୀ ମୁଖ୍ଯମନ୍ତ୍ରୀମାନଙ୍କୁ ଆହ୍ବାନ ଦେଇଥିଲେ। ସେ କହିଛନ୍ତି- ତିହାର ଜେଲରେ ଥିବାବେଳେ ସେ ସ୍ବାଧୀନତା ଦିବସ ଅବସରରେ ଏଲଜିଙ୍କ ନିକଟକୁ ଏକ ପତ୍ର ଲେଖିଥିଲେ। ତାଙ୍କ ଅନୁପସ୍ଥିତିରେ ଆତିଶିଙ୍କୁ ପତାକା ଉତ୍ତୋଳନ ଲାଗି ଅନୁମତି ଦିଆଯାଉବୋଲି ସେ କହିଥିଲେ। ମାତ୍ର ସେହି ଚିଠିକୁ ଫେରାଇଦିଆଗଲା। ଏଥିଲାଗି ତାଙ୍କୁ ଧମକ ବି ମିଳିଲା। ଯଦି ପୁଣି ଥରେ ସେ ଚିଠି ଲେଖନ୍ତି ତେବେ ତାଙ୍କୁ ପରିବାର ସହ ସାକ୍ଷାତ ଲାଗି ଅନୁମତି ମିଳିବ ନାହିଁ ବୋଲି କହିଥିଲେ।
About The Author
