ଆଲୋକିତ ଓଡ଼ିଶା ବ୍ୟୁରୋ :ଢେଙ୍କାନାଳ ପୋଲିସକୁ ସଫଳତା । ୮ ଜଣିଆ ଅନ୍ତରାଜ୍ୟ ଡକାୟତ ଗ୍ୟାଙ୍ଗକୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତଙ୍କ ନିକଟରୁ ୩ଶହ ଗ୍ରାମ ସୁନା, ୫ କେଜିରୁ ଉର୍ଦ୍ଧ ରୁପା, ନଗଦ ୨ ଲକ୍ଷ ଟଙ୍କା ସହ କାର ଓ ବୁଲେଟ, ୭ଟି ମୋବାଇଲ ଜବତ କରାଯାଇଛି ।ଏହି ଅନ୍ତରାଜ୍ୟ ଡକାୟତମାନେ ବିଭିନ୍ନ ଜିଲ୍ଲାରୁ ଘରର ଝରକା ଓ ଗ୍ରୀଲ କାଟି ଚୋରି କରୁଥିଲେ । ସେମାନଙ୍କ ନିକଟରୁ କଟର, ମୁନିଆ ଲୁହାରଡ଼ ପୋଲିସ ଜବତ କରିଛି । ଏହି ଡକାୟତ ଗ୍ୟାଙ୍ଗର ମୁଖ୍ୟ ଅଭିଯୁକ୍ତ କଟକ ବାଙ୍କୀ ଅଞ୍ଚଳର ବିଜୟ କୁମାର ସାହୁ । ଅନ୍ଯମାନେ ହେଲେ ଖୋର୍ଦ୍ଧା ଜିଲ୍ଲା ଟାଙ୍ଗୀ ଅଞ୍ଚଳର ଜଗା ବେହେରା, ଖୋର୍ଦ୍ଧା ମୈତ୍ରିବିହାର ଅଞ୍ଚଳର ଦିଲ୍ଲିପ ନାଏକ, ଇଫୋସିସି ଥାନା ଅଞ୍ଚଳର ସନ୍ତୋଷ ବେହେରା, ଏୟାର ଫିଲଡ ଥାନା ଅଞ୍ଚଳର ଦାସରଥି ବିଶୋଇ, କଟକ ବାଙ୍କୀ ଅଞ୍ଚଳର ବିଜୟ ସାହୁ, ଗଞ୍ଜାମ ଜିଲ୍ଲା ବେଗୁନିଆପଡ଼ା ଥାନା ଅଞ୍ଚଳର ରାମମୈତ୍ରୀ ଆଚାର୍ଯ୍ୟ, କଟକ ବାଙ୍କୀ ଅଞ୍ଚଳର ଆଶିଷ ମହାରଣା ଓ କଟକ ତିଗିରିଆ ଅଞ୍ଚଳର ହୀରା ସୁନ୍ଦର ମହାପାତ୍ର । ଏଗି ଗ୍ୟାଙ୍ଗ ବିରୋଧରେ ଢେଙ୍କାନାଳରେ ୨୩ ଟି ମାମଲା ଥିବାବେଳେ ଢେଙ୍କାନାଳ ଜିଲ୍ଲା ସମେତ ରାଜ୍ୟର ବିଭିନ୍ନ ଜିଲ୍ଲାରେ ପ୍ରାୟ ୪୦ ଉର୍ଦ୍ଧ ମାମଲା ଥିବା ସାମ୍ବାଦିକ ସମ୍ମିଳନୀରେ SP ଅଭିନବ ସୋନକର ସୂଚନା ଦେଇଛନ୍ତି ।
About The Author
